منتدى الكنترول
نرحب بك الزائر الكريم فى منتديات الكنترول نرجو ان تجد ما يفيدك ... كما نرحب بك عضوا فاعلا معنا,,,,,,

منتدى الكنترول

 
الرئيسيةالتسجيلدخول


Khartoum

بحـث
 
 

نتائج البحث
 
Rechercher بحث متقدم
المواضيع الأخيرة
» برنامج لتقسيم وزيادة وادارة الاقراص بدون فورمات
الثلاثاء 15 ديسمبر 2015 - 17:49 من طرف ابوميار

» برنامج Mozilla FireFox 43.0
الثلاثاء 15 ديسمبر 2015 - 12:47 من طرف ابوميار

» مـــ أعد الله للمؤمنين فى الجنة ـــا
الثلاثاء 1 ديسمبر 2015 - 18:14 من طرف ابوميار

» إيــاك نعبــد وإيـــاك نستعين
الثلاثاء 1 ديسمبر 2015 - 17:04 من طرف ابوميار

» شهيد المحراب
الخميس 5 نوفمبر 2015 - 14:52 من طرف ابوميار

» برنامج رهييب
الخميس 5 نوفمبر 2015 - 10:10 من طرف ابوميار

» كل ما تحتاجه من برامج
الإثنين 2 نوفمبر 2015 - 9:49 من طرف ابوميار

» بعض أكواد يجب معرفتها لكل مستخدم اندرويد
الأحد 1 نوفمبر 2015 - 19:41 من طرف ابوميار

» قصة النملة.......
الإثنين 26 يناير 2015 - 7:35 من طرف ابوميار


شاطر | 
 

 شيطــــــــــانى

اذهب الى الأسفل 
كاتب الموضوعرسالة
ابوميار
مدير المنتدى

مدير المنتدى
avatar

عدد المساهمات : 81
تاريخ التسجيل : 26/12/2011

مُساهمةموضوع: شيطــــــــــانى   السبت 12 أكتوبر 2013 - 21:50

تصدّق ياخي شيطاني ..

دخل لى حتة مافيني ...

أفتش يومي ما لقيتو ..

ولا ظنيتو يلقاني ...

داخل من مروق الروح ..

ومارق ليهو من تاني ...

نقول نتلاقى في حتة ..

كعادتو الكعبة شرّاني ...

أرسّل ليهو أشواقي ..

معنونة بى معاناتي ...

وطفش ...

لا غادي خلّاني !!!

وحرن !!!

أسوي شنو ؟!!!

فتحتَ على الصبر بابين ...

وشباكاً قصاد الروح ...

مرقنا على السجية عصُر ...

مشواراً مشينا كُدر ...

نلقّط حِسّنا المقروش وماليانا المسافة فقُر !!!

أفتش ليهو لو يسمح ..

نمش باقي المسافة نذُر ...

وعصلج ياخي في الحتة البتروي الشوق !!!

حرن في لحظة بتحاول حروف الكلمة تتشعبط تنط لى فوق ...

تقع في ورقة خرمانة .. ومن شمّة حبر بتفوق ...

وكيف الراي ؟؟ !!

براك قصيت درب زولك ... وزولك قصّ ضهرو وراك ...

أمش مااا حِردت السكة .. ولا الدرب المشيتو براك ...

ولا الشوق الدخل بيتنا .. يحنّس نفسو يوم إبراك ...

ألعن لينا ميتينك ...

وألعن لي كمان ………

وألعن زفرة الأشواق إذا خشّت ميادينك ...

أمش ... مااااااااااا بتنقُّص حروف شعري ...

ولا السنوات بتسرق ياخي ضي عمري ...

ولا العمر القضيتو معاك سرق عشم الصباح بدري ...

أتاري نقوووووول !!!! اخخخخخ !!!!

دا صوت إحساسي ما الشيطان ...

دي آهاتي البعيشا على الضفاف عطشان ...

دا ما الشيطان !!!

ولا الشيطان عملو بيوت وشباكين بتفتح ياخي في شطآن ...

ولا الشيطان مرق من حسي آهة شوق بتطلع من قفا القفطان ...

دا ما الشيطان !!!

حلفتً وياخي صدّقني !!!

عشان ما يبقى الكلام ممجوج ...

ولا الحرف الكتبناهو .. بنكتبو في الورق معوووووج ...

ولا شوقنا .. شوق ساكت ... مسّرِب من حلق محلوج ...

ولا الحب ... حب مراكبية ... نتم باقي المسافة نخوج ...

ولا كان الحلم بالبر .. حلم رويان ...

ولا كانت بذور الشر بتنبت في قلب عطشان ...

ولا الشيطان ... وقف بيناتنا يوم اديتا في لحظة شبق ضهري ...

ولا الشيطان ختف قلمي وكتب حرفين يعبّر عن وجع سهري ...

ولا الشيطان صبر لو لحظة ضاق البي ومُر صبري !!!

ولا الشيطان عزف وتر الكمانة حزين واتجرستا يوم سفري !!!

ولا الشيطان درع سيفو ونتف في الفرحة يوم وتري ...

تقول لي للحرف شيطان !!!؟؟؟

و اسلّفو بى بساطة كمان !!!

ياخي تخ !!!!!!




خش براااااااااااااحة في جواك بدون مركوب ...

إتحسس شنو الناقص إذا صبح النفس منكوب ...

بدون ما تحك جبين الحيرة لو عندك كلام مكتوب ...

بدون ما تحسس الجواك دخيل جواها ما محسوب ...

وتتعرف على روحك بدون ارقام نجاح ورسوب...

فتّش تلقى فيك إنسان ...

استغفر

تعيش إنسان بدون شيطان ...

واكتب

ا

ب

ت

ث

وحاء الحب

وجيم الجملة لو نقصت ... أقيف !!!
الرجوع الى أعلى الصفحة اذهب الى الأسفل
 
شيطــــــــــانى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الكنترول :: منتدى الشعر والأدب والخواطر :: قسم الشعر والخواطر-
انتقل الى: